ഞാന്‍ നിന്നെ സ്നേഹിച്ചത് തെറ്റായിപോയോ?ഈ ലോകം മുഴുവന്‍ ഒരുപക്ഷെ എന്നെ കുറ്റപെടുതുമായിരിക്കും , ഭ്രാന്തി എന്ന് വിളിക്കുമായിരിക്കും …എന്നാല്‍ നിനക്ക് അതിനു കഴിയുമോ ?നീ എന്റെ ജീവിതത്തില്‍ വന്ന അന്ന് മുതല്‍ ഈ ദിവസം വരെ ഉള്ള എന്റെ ജീവിതത്തിലെ എല്ലാ കാര്യങ്ങളും നിനക്ക് അറിയാം …എങ്ങനെ ഞാന്‍ നിന്നെ സ്നേഹിക്കാന്‍ തുടങ്ങി എന്നും നിനക്ക് അറിയാം …പിന്നീട് എത്രമാത്രം നിന്നെ സ്നേഹിച്ചുവെന്നും ..എന്നിട്ട് ഒരു സുപ്രഭാതത്തില്‍ എല്ലാം വെറും മായ ആയിരുന്നു എന്ന് ഞാന്‍ എങ്ങനെ ഉള്കൊള്ളും?അങ്ങനെ മറക്കാന്‍ കഴിയുന്ന ഒന്നാണോ എനിക്കം നിനക്കുമിടയില്‍ ഉണ്ടായിരുന്നത് ? എവിടെയോ ഇരുന്നുകൊണ്ട് എത്രമാത്രം അടുകാമോ അത്രക്കും അടുതവരല്ലേ നമ്മള്‍ ..ഒക്കെ വെറുതെയെന്നു അറിഞ്ഞിട്ടും എന്തിനു നീ എന്നെ ഇതിലേക്ക് വലിച്ചിഴച്ചു ?ജീവിക്കുവായിരുന്നില്ലേ നമ്മള്‍?എന്റെ മനസ്സ് എനിക്ക് നിന്നിലെക്കും നിനക്ക് എന്നിലേക്കും ഉള്ള വാതിലുകള്‍ ആയിരുന്നില്ലേ ?എത്രയോ രാത്രികളില്‍ ആ വാതില് തുറന്നു നീ എന്റെ അടുക്കല്‍ എത്തിയിട്ടുണ്ട് ??എത്രയോ തന്നുപ്പുള്ള രാത്രികളില്‍ നമ്മള്‍ ആ വാതിളിനപ്പുറവും ഇപ്പുറവും ആയി ഒന്നിച്ചു ഇരുന്നിട്ടുണ്ട് ?ജീവിക്കുവായിരുന്നില്ലേ നമ്മള്‍ നമ്മുടേത്‌ മാത്രമായ ആ ലോകത്ത്?എന്നിട്ടും എങ്ങിനെ നിനക്ക് എന്നോടിങ്ങനെ അകല്‍ച്ച സാധിക്കുന്നു ?നീ എന്റെ മുന്നില്‍ ആ വാതിലുകള്‍ കൊട്ടിയടച്ചപ്പോള്‍ എനിക്ക് നഷ്ടമായത് എന്റെ ജീവിതം തന്നെയാണ് ….എന്റെ ജീവിതത്തിലേക് വന്നിരുന്ന വെളിച്ചമായിരുന്നു നീ കെടുത്തിയത് …നിനക്ക് എല്ലാം നിസാരമായിരിക്കും ..കാരണം നിനക്ക് എന്നും എല്ലാം ഒരു തമാശ തന്നെ …പക്ഷെ ഞാനും നിനക്ക് തമാശ ആയിരുന്നോ ?ഒരികലെങ്കിലും നീ എന്നെ മനസ്സിലാകിയിരുന്നെങ്ങില്‍ എന്നോട് നിനക്ക് ഇങ്ങനെ കഴിയുമായിരുന്നില്ല …എങ്കിലും എനിക്ക് നിന്നെ വെറുകാന്‍ കഴിയുന്നിലാലോ …വെറുക്കാന്‍ ശ്രമിക്കുമ്പോള്‍ എല്ലാം മനസ്സ് സക്തമായി എതിര്‍ക്കുന്നു …ന്യായികരികാന്‍ ആവുന്ന എന്തോ ഒരു കാരണം നിനക്കുണ്ട് എന്ന് എന്റെ മനസ്സ് പറയുന്നു …അറിഞ്ഞുകൊണ്ട് നിനക്ക് എന്നെ വേദനിപ്പിക്കാന്‍ കഴിയില്ലന്നു ഇപ്പോഴും ഞാന്‍ വിശ്വസിക്കുന്നു ..അങ്ങനെ വിശ്വസിക്കാനാണ് എനിക്കെന്നും ഇഷ്ട്ടം …കാരണം …………………നിന്നെ സൃഷ്ടിച്ചത് ഞാന്‍ തന്നെയാണ്...നീ എന്റെ ഭാവനയുടെ ഭാഗം മാത്രം...ഭൂമിയില്‍ ഇല്ലാത്ത എന്നാല്‍ ഞാന്‍ സൃഷ്ട്ടിചെടുത്ത എന്റെ മാത്രം ലോകത്ത് ഞാന്‍ കണ്ടെത്തിയതാണ് നിന്നെ...ആ നിന്നെ ഞാന്‍ എങ്ങനെ വെറുക്കും???
